Ýakynda, ýagny, 3-nji aprelde paýtagtymyz Aşgabat şäheriniň Mekan köşginde “Halkara parahatçylyk we ynanyşmak ýyly agzybirligiň, parahatçylygyň, ynsanperwerligiň, dost-doganlyk gatnaşyklarynyň dünýä ýüzüne dabaralanmasy” atly maslahat geçirildi.
Bu maslahat 29-njy martda Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň döredilmeginiň dört ýyllygy mynasybetli “Arkadag şäherinde uly üstünlige beslenen parahatçylyk we ynanyşmak ýyly çagalaryň hatyrasyna halkara işiniň ösüşi” atly halkara maslahatynyň geçirilmeginiň hoşallygynyň beýany boldy. Maslahat Türkmenistanyň Halk Maslahaty, ýurdumyzyň Mejlisi, Türkmenistanyň Daşary Işler Ministrligi, Türkmenistanyň Bilim ministrligi, Türkmenistanyň Medeniýet ministrligi tarapyndan geçirildi. Bu dabaraly halkara maslahatyna Aşgabat şäher medeniýet müdirliginiň 2-nji çagalar çeperçilik mekdebiniň mugallymlary we okuwçy ýaşlary işjeň gatnaşdylar. Has dogrusy mekdebimiziň şekillendiriş sungatyna höwesli, göreldeli okuwçylarynyň döredijilik sergileri we janly ýagdaýda surat çekmek pursatlary döredildi. Döredijilik pursatynda ýaşlarymyz mähriban Watanymyzyň ösüşli menzillerini ruhubelent wasp etdiler.
Ýaşamaga, zähmet çekmäge ýaş nesillere bilim terbiýe berip, hünär öwretmeklige döredip berýän ähli mümkinçiliklerine Türkmen halkynyň Milli Lideri Gahryman Arkadagymyza, Hormatly Prezidentimiz Arkadagly Gahryman Serdarymyza köp-köp sagbolsunlar aýdýarys. Türkmen halkynyň Milli Lideri Gahryman Arkadagymyzyň, Hormatly Prezidentimiz Arkadagly Gahryman Serdarymyzyň janlary sag, belent başlary aman bolsun.
