Aşgabat şäher medeniýet müdirliginiň Merkezleşdirilen kitaphanalar ulgamynyň Aman Kekilow adyndaky kitaphana şahamçasynda   Halkara zenanlar güni mynasybetli “Zenanlar-gözelligiň göwheri” ady bilen gürrüňdeşlik geçirildi.

      Gürrüňdeşlikde çykyş edenler Berkarar döwletiň täze eýýamynyň Galkynyşy döwründe hormatly Prezidentimiziň taýsyz tagallalary netijesinde  türkmen zenanlarymyza ýurdumyzda goýulýan hormat sarpa hem-de gelin-gyzlarymyzyň durmuşdaky orny barada gürrüň berildi. Diýarymyzda  giňden bellenilýän Halkara zenanlar gününe Watanymyzyň şöhratly zenanlarynyň hormatyna bagyşlanan dabaralaryň giň gerime eýe bolmagy, Arkadagly Gahryman Serdarymyzyň zenanlara pul sowgadyny bermegi hem-de köp çagaly enelere “Ene mähri” diýen hormatly adyň dakylmagy, hormatly adyň nyşanlarynyň, şeýle hem köp çagaly maşgalalara täze öýleriň berilmegi, bu bolsa  ýurdumyzyň zenanlaryna gelin- gyzlaryna ýatdan çykmajak sowgat bolýandygy barada gürrüň berdiler.  Şeýlede çärä bagyşlap gurnalan kitap sergisi, 7-nji çagalar sungat mekdebiň nakgaş bölüminiň okuwçylarynyň çeken suratlary çärä gatnaşanlarda täsir galdy we gyzyklanma döretdi.     

Gürrüňdeşligiň ahyrynda Gahryman Arkadagymyza, Arkadagly Gahryman Serdarymyza alkyş sözleri aýdyldy.