Aşgabat  şäher medeniýet müdirliginiň  Merkezleşdirilen  kitaphanalar ulgamynyň  Bagyr ýaşaýyş toplumynyň kitaphana şahamçasynyň guramagynda “Parahatlyk ýoly – dostluk-doganlyk ýoly” ady bilen gürrüňdeşlik geçirildi.

Gürrüňdeşlikde çykyş edenler kalplara ylham bolup dolýan “Halkara parahatçylyk we ynanyşmak ýyly” asuda asmanymyzyň astynda, parahat zeminimiziň üstünde amala aşyrylýan beýik işleriň  dowamat-dowam bolýandygy barada gürrüň berdiler. Şeýle-de adamzat durmuşunda parahatçylyk we ynanyşmak wajyp orna eýe bolup, bu gymmatlyklar ýaşaýyşyň döredijilikli zähmetiň baş girewidigi, agzybirligiň abadançylygyň kepili bolup durýandygy barada bellediler.  

          Gürrüňdeşligiň ahyrynda halkymyzy röwşen geljege alyp barýan Gahryman   Arkadagymyzyň,   Arkadagly  Gahryman Serdarymyzyň  janlarynyň  sag, başlarynyň  dik, il-ýurt bähbitli, umumadamzat   ähmiýetli tutýan tutumly işleriniň elmydama rowaçlyklara  beslenmegini arzuw etdiler.