Magtymguly Pyragynyň doglan gününiň 300 ýyllygy mynasybetli “Magtymguly” atly täze kitabyndan söhbetdeşlik
Aşgabat şäher medeniýet müdirliginiň Merkezleşdirilen kitaphanalar ulgamynyň guramagynda Magtymguly Pyragynyň doglan gününiň 300 ýyllygy mynasybetli Magtymguly Pyragynyň medeni-seýilgäh toplumynda “Magtymguly” atly täze kitapdan söhbetdeşlik geçirildi.
Söhbetdeşlikde Paýtagtymyzyň gözel künjeginde ýerleşýän “Magtymguly Pyragy” medeni-seýilgäh toplumy ähli ildeşlermiziň köňül buýsanjyna, ýürek arzuwyna öwrülendigi, şeýle hem “Magtymguly Pyragynyň” medeni-seýilgäh toplumy dünýä halklarynda hem uly gyzyklanma döredýändigi barada gürrüň berdiler. Şeýle-de Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar instituty tarapyndan taýýarlanan “Magtymguly” atly täze kitap – şahyryň saýlanan eserleri halk köpçüligi tarapyndan gyzgyn garşylanandygy barada belläp geçdiler. Mundan başga-da Akyldar şahyrymyz Magtymguly Pyragynyň şygryýeti – ykbalyň türkmen halkyna, ýapan serpaýy, çünki ussadyň her bir setiri – durmuş mekdebiniň gymmatly ylham çeşmesi bolup durýandygy barada hem bellediler.
Söhbetdeşlik ahyrynda türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözleri aýdyldy.
