Millilik – zenan gözelliginiň bezegi
Aşgabat şäher medeniýet müdirliginiň Merkezleşdirilen kitaphanalar ulgamy bilen Aşgabat şäher häkimliginiň “Bagt köşgi” toý dabaralary merkeziniň bilelikde guramagynda “Millilik – zenan gözelliginiň bezegi” ady bilen söhbetdeşlik geçirildi.
Söhbetdeşlikde çykyş edenler halkymyzyň şeýle ajaýyp däp-dessurlary milli gymmatlyklaryndan döräp, kämilleşip, sungat derejesine ýetirilendigini, türkmen gözelliginiň, ruhybelentliginiň, şahandazlygynyň, milliliginiň iň owadan taraplaryny däp-dessurlarymyzda, edim-gylymlarmyzda, millilige ýugrulan ýörelgelermizde jemlenendigi barada giňişleýin söhbet etdiler. Şeýle-de türkmeniň çeper elli gelin-gyzlarynyň döredýän biri-birinden ajaýyp hem nepis el işleri bilen döwrümiziň gözelligine gözellik goşýandygy barada gürrüň berdiler.
Söhbetdeşligiň ahyrynda türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözleri aýdyldy.
