48

Akyldar şahyryň edebi mirasy-umumadamzat gymmatlygydyr

image


   Aşgabat şäher medeniýet müdirliginiň Merkezleşdirilen kitaphanalar ulgamynyň  Kerim  Gurbannepesow adyndaky kitaphana şahamçasynyň guramagynda “Altyn asyr” seýilgähinde  Magtymguly Pyragynyň doglan gününiň 300 ýyllygyna bagyşlap  “Akyldar şahyryň edebi mirasy-umumadamzat gymmatlygydyr” ady bilen söhbetdeşlik geçirildi.

   Çärede   Gündogaryň beýik akyldary  Magtymguly Pyragynyň döredijiligi diňe bir döwrüň keşbini, halkyň durmuşyny, gylyk-häsiýetlerini görkezmän, eýsem, geljekki nesilleriň kalbyna, ruhy dünýäsine egsilmeýän täsir ediji güýç bolup hyzmat edýändigi, şahyryň türkmeniň milli ruhundan, däp-dessurlaryndan, türkmençilik ýörelgelerinden ugur alyp, agzybirlikde ýaşamagy ündeýän şygyrlary halkyň aňynda hemişelik ýaşajakdygyny, ynsanperwerligi, halallygy, agzybirligi wagyz edýän  eserleri ähli adamzat üçin bahasyna ýetip bolmajak gymmatlykdygy barada täsirli söhbet etdiler.                                                                     

   Söhbetdeşligiň dowamynda akyldar şahyryň doglan gününiň 300 ýyllygynyň bellenilýän günlerinde şahyryň hormatyna  “Magtymguly Pyragy” medeni-seýilgäh toplumynyň açylmagy şahyra goýulýan belent sarpadan nyşan bolup, şol  seýilgähde dünýä belli şahsyýetleriň heýkelleriniň oturdylmagy  bolsa, Magtymguly Pyragynyň dost-doganlyk, agzybirlik  baradaky arzuwlarynyň türkmen topragynda hasyl bolandygyny görkezýär diýip bellediler.

Söhbetdeşligiň ahyrynda türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözleri aýdyldy.