Magtymguly dünýä akyldarynyň almaz täji
Aşgabat şäher medeniýet müdirliginiň Merkezleşdirilen kitaphanalar ulgamynyň Bagyr ýaşaýyş toplumynyň kitaphana şahamçasynyň guramagynda “Magtymguly dünýä akyldarynyň almaz täji” ady bilen gürrüňdeşlik geçirildi.
Gürrüňdeşlikde çykyş edenler Magtymguly Pyragy türkmen halkynyň ruhy ganaty, şamçyragy hasaplanýandygy, çünki ol her bir ynsanyň kalbynda adamkärçiligiň belent nusgasyny dörediji hökmünde müdimi ýaşaýan dana şahyryň adamkärçilige, ynsanperwerlige, watansöýüjilige ýugrulan goşgulary bilen ynsan kalbynda baky orun alandygy barada gürrüň berdiler.
Gürrüňdeşligiň ahyrynda Gündogaryň beýik akyldar şahyry, şirin dilli söz ussadyna çuňňur sarpa goýýan türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözleri aýdyldy.
