Gahryman Arkadagymyzyň kitaplary egsilmeýän hazyna
Aşgabat şäher medeniýet müdirliginiň Merkezleşdirilen kitaphanalar ulgamynyň Nury Baýramow adyndaky kitaphana şahamçasy bilen Köpetdag etrap häkimliginiň bilelikde guramagynda “Gahryman Arkadagymyzyň kitaplary egsilmeýän hazyna” atly wagyz-nesihat çäresi geçirildi.
Çärede çykyş edenler Gahryman Arkadagymyzyň ýiti galamyndan çykýan her bir eseri, ýaşlaryň ýan kitabyna öwrülip giň okyjylar köpçüliginde uly gyzyklanma döredýändigini buýsanç bilen bellediler. Şeýle-de alym Arkadagymyzyň kitaplary halkymyza aýratyn hem biz kitaphanaçylara egsilmez şatlyk paýlaýanlygy, çünki ol eserlerde Garaşsyz, baky Bitarap Watanmyza hem-de halkymyza çäksiz söýginiň bardygyny görmek bolýar, ýaňy ýakynda bolsa Gahryman Arkadagymyzyň “Türkmenistanyň dermanlyk ösümlikleri” atly köp jiltli ylmy-ensiklopedik kitabynyň XVI jildiniň çap edilip halkymyza gowuşmagy bolsa türkmen halkyny has-da begendirendigi barada belläp geçdiler.
Çäräniň ahyrynda halkymyza gymmatly eserlerini peşgeş berýän Gahryman Arkadagymyza, hem-de ata Watanymyzy mundan beýläk-de gülledip ösdürmek babatda döwlet ähmiýetli işleri durmuşa ornaşdyrýan Arkadagly Gahryman Serdarymyza alkyş sözlerini aýtdylar.
