Gahryman Arkadagymyzyň eserleri- ýolumyza ýörelge
Aşgabat şäher medeniýet müdirliginiň Merkezleşdirilen kitaphanalar ulgamynyň Büzmeýin kitaphana şahamçasy bilen Türkemen döwlet oba hojalyk uniwersitetiniň bilelikde guramagynda Gahryman Arkadagymyzyň eserleri- ýolumyza ýörelge” ady bilen wagyz-nesihat çäresi geçirildi.
Çärede çykyş edenler türkmen halkynyň Milli Lideri Gahryman Arkadagymyzyň eserleriniň ähmiýetiniň örän uludygy, Gahryman Arkadagymyzyň kitaplarynyň bu günki günde halkymyzyň, aýratyn-da ýaş nesilleriň ruhy dünýäsiniň baýlaşmagynda uly gollanma bolup durýandygy barada beýan etdiler. Mundan başga-da Gahryman Arkadagymyzyň eserlerindäki Watana, ene topraga, ata-eneňe, dost-ýaryňa wepaly bolmak, halal zähmet çekmek ýaly ajaýyp jümleleri her bir ynsan üçin, aýratynam ýaşlar üçin uly terbiýe mekdebi bolup durýandygy barada gürrüň berdiler.
Çäräniň ahyrynda şeýle ajaýyp eserleri peşgeş berýän türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag, ömürleriniň uzak bolmagyny, il-ýurt bähbitli alyp barýan işleriniň rowaçlyklara beslenmegini arzuw etdiler.
