TÄZE ÝYLYŇ ŞOWHUNY
Aşgabat şäher medeniýet müdirliginiň 2-nji çagalar çeperçilik mekdebiniň mugallymlary hem-de okuwçylary täze ýyl baýramçylygy mynasybetli paýtagtymyzyň täze ýyl baş arçasynda ýörite baýramçylyk ýazgysyny gurnady. Baýramçylyk lybasyna beslenen baş arçanyň töweregi täze ýyl baýramçylygynyň ruhunda diýseň owadan bezelipdir. Meşhur ertekileriň gahrymanlarynyň heýkel eserleri şadyýan keşpde görkezilýär. Älemgoşar mysaly bezelen arçanyň gözelligi diýseň täsin görünýär. Dürli gar tozgajyklarynyň şekiljikleri, dürli çyralaryň köpsanlysy baýramçylyk arçasynyň ýakymly görkezýär. Şeýle täsinlikleri ýakyndan synlap eser döretmek has hem joşgunly bolýar. Şol maksat bilen hem 2-nji çagalar çeperçilik mekdebiniň mugallymlary okuwçy ýaşlary bolup gözel paýtagtymyzyň merkezinde ýerleşýän Älem medeni dynç alyş merkezinde açyk howada surat çekmek dersi boýunça okuw tejribeligi gurnaldy.
Tamamlanyp barýan 2024-nji ýyl Türkmen Halkynyň Milli Lideri Gahryman Arkadagymyzyň, Hormatly Prezidentimiz Arkadagly Gahryman Serdarymyzyň ýolbaşçylygynda “Pähim-paýhas ummany Magtymguly Pyragy” ýyly diýlip yglan edildi. Ýylyň dowamynda Magtymguly Pyragynyň doglan gününiň 300 ýyllygy mynasybetli ýurdumyzda köp sanly medeni-köpçülikleýin çäreler yzygiderli gurnalyp geçirildi. Olaryň her birisinde akyldar şahyrymyzyň ömür döredijilik ýoly düýpli öwrenilip, şahyryň goşgulary labyzly okalýar. Goşgularyna bagyşlanan aýdymlar – sazlar döredilýär. Şeýle hem şu ýyl ýurdumyzda ýene-de bir ajaýyp taryhy waka ýagny Türkmen Halkynyň Milli Lideri Gahryman Arkadagymyzyň, Hormatly Prezidentimiz Arkadagly Gahryman Serdarymyzyň ýolbaşçylygynda Änew medeniýeti türki halklaryň medeni paýtagty diýlip yglan edilmeginde hem ýurdumyzda halkara çäreler dowamly geçirildi.
2-nji çagalar çeperçilik mekdebimiziň taryhynda-da tamamlanyp barýan 2024-nji ýylda ýatdan çykmajak ajaýyp pursatlar kän boldy. Uly buýsanç bilen ýatlasymyz gelýär, ýagny “Pähim-paýhas ummany Magtymguly Pyragy” ýylyň dowamynda mekdebimiziň göreldeli okuwçylary halkara derejesinde geçirilen surat bäsleşiklerinde yzygiderli çykyş edip üstünlikli netijeleri gazandylar. Baýrakly orunlary eýeläp, birnäçe medallara, diplomdyr hormat hatlara, sertifikatdyr gymmat bahaly sowgatlara mynasyp boldylar. Tamamlanyp barýan 2024-nji ýyl rysgal-bereketli döwletli ýyllardan boldy. Türkmen halkynyň şöhratly taryhyna altyn harplar bilen ýazyljak baý, ýatda galyjy taryhy ýyl boldy. Täze ýyl baýramçylygy maşgala baýramçylygy. Her bir agzybir döwletli ojaklarda täze ýyl saçaklary giňden ýazylyp, nazu-nygmatlar bilen bezelýär. Ýagşydan-ýagşy arzuwlar edilip, agzybirlikde garşylanylýar. Türkmen Halkynyň Milli Lideri Gahryman Arkadagymyzyň, Hormatly Prezidentimiz Arkadagly Gahryman Serdarymyzyň ýolbaşçylygynda geljekgi 2025-nji ýylymyz hem rysgal-bereketli şowly ýyllardan bolsun.
Şeýle ajaýyp pursatlardan peýdalanyp Aşgabat şäher medeniýet müdirliginiň 2-nji çagalar çeperçilik mekdebiniň agzybir mugallymlary Türkmen Halkynyň Milli Lideri Gahryman Arkadagymyzy, Hormatly Prezidentimiz Arkadagly Gahryman Serdarymyzy täze 2025-nji ýylymyz bilen tüýs ýürekden gutlaýarys. Goý, Türkmen Halkynyň Milli Lideri Gahryman Arkadagymyzyň, Hormatly Prezidentimiz Arkadagly Gahryman Serdarymyzyň janlary sag bolsun, belent başlary aman bolsun.
