Beýik ösüşlere barýar - eziz Watanym
Aşgabat şäher medeniýet müdirliginiň Merkezleşdirilen kitaphanalar ulgamynyň Büzmeýin DES-indäki kitaphana şahamçasynyň guramagynda “Arkaç” medeni dynç alyş söwda merkezinde “Beýik ösüşlere barýar - eziz Watanym” ady bilen söhbetdeşlik geçirildi.
Söhbetdeşlikde çykyş edenler ýurdumyzda gazanylýan üstünlikler, ösüşler her birimiziň kalbymyzy buýsanja besleýändigi, Hormatly Prezidentimiziň parasatly baştutanlygynda ösüşiň täze belentliklerini nazarlaýan beýik işler eziz Diýarymyzyň abraý-mertebesini has-da ýokarlandyrýandygy barada gürrüň berdiler. Şeýle-de parahatçylyk söýüjilik ýörelgesi ýurdumyzyň alyp barýan syýasatynyň esasy ugry bolmak bilen, dünýä ýurtlary bilen hoşniýetli gatnaşyklary ösdürmäge giň mümkinçilikleriň döredilýändigi barada söhbet etdiler.
Söhbetdeşligiň ahyrynda parahatçylyk söýüjilik ýörelgelerine eýerýän, türkmen halkyny ösüşlerden ösüşlere alyp barýan türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini beýan etdiler.
