Hoş geldiň täze ýyl eziz Diýara!
Aşgabat şäher medeniýet müdirliginiň Merkezleşdirilen kitaphanalar ulgamynyň Durdy Gylyç adyndaky kitaphana şahamçasynyň guramagynda Arkaç söwda-dynç alyş merkezinde “Hoş geldiň täze ýyl eziz Diýara!” ady bilen baýramçylyk çäresi geçirildi.
Çärede çykyş edenler ýagşy umyt-arzuwlardyr belent maksatlar bilen täze 2025‑nji ýyly mynasyp garşy almaga taýýarlyk görýän günlermizde ak mermerli paýtagtymyz baýramçylyk donuna beslenip, mähriban halkymyzyň bagtyýar durmuşda ýaşamagyna gönükdirilen beýik işleriň üstünlikli amala aşýandygy barada giňişleýin gürrüň berdiler.
Çäräniň ahyrynda türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak, döwletli tutumlarynyň elmydama rowaçlyklara beslenmegini arzuw etdiler. Goý, geljek täze ýylymyz hem täzeden-täze üstünlikleri, rowaçlyklary, beýik başlangyçlary bilen gadam bassyn! Täze ýylyňyz gutly bolsun!
