Täze ýyl gadamyň düşümli bolsun!
Aşgabat şäher medeniýet müdirliginiň Merkezleşdirilen kitaphanalar ulgamynyň Nury Baýramow adyndaky kitaphana şahamçasynyň guramagynda Täze ýyl baýramçylygy mynasybetli “Täze ýyl gadamyň düşümli bolsun!” ady bilengürrüňdeşlik geçirildi.
Gürrüňdeşlikde çykyş edenler Täze 2025-nji ýyl “Halkara parahatçylyk we ynanyşmak” ýyly şatlyk-şowhuna besläp, garşy alýan bagtyýar körpeleriň her bir güni bagtly pursatlara beslenýändigi, häzirki wagtda paýtagtymyzyň gözel künjeklerinde ýerleşýän Täze ýyl arçasynyň gözelligi, täsin yşyklar bilen bezelmegi bu gün körpeleriň iň bir söýgüli ýerine öwrülip, bagtyýar çagalaryň her bir güni gyzykly, ýatdan çykmajak pursatlara beslenendigi barada gürrüň berdiler.
Şeýle-de ata Watanymyzda ösüp gelýän ýaş nesilleriň wagtynyň has-da manyly, täsirli geçmegi üçin uly mümkinçilikler döredilip, ýurdumyzyň ähli künjeklerinde çagalaryň rahat, asuda dynç almagyna gönükdirilendigi barada belläp geçdiler.
Gürrüňdeşligiň ahyrynda türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini beýan etdiler.
